ഇതു ഞങ്ങളുടെ സ്വന്തം കായല്‍

മണ്ണിര കമ്പോസ്റ്റ് നിര്‍മ്മാണം (Worm Composting)

പല രീതിയിലും നമ്മുക്ക് മണ്ണിരക്കമ്പോസ്റ്റ് നിര്‍മ്മിക്കാം.

1.5മീറ്റര്‍ വീതിയും,5മീറ്റര്‍ നീളവും,1മീറ്റര്‍ ആഴവുമുള്ള സിമെന്റ് കൊണ്ട് പണിതിട്ടുള്ളതാണ് മണ്ണിര കമ്പോസ്റ്റ്. 65 സെന്റീമീറ്റര്‍ ഉയരത്തില്‍ തകരത്തിന്റെ ഷീറ്റും ഇടണം(മഴയെ തടുക്കുന്നതിന്) .ചിത്രത്തില്‍ കാണുന്നത് പോലെ രണ്ട് ഭാഗമാക്കിയാല്‍ ആദ്യം നിക്ഷേപിക്കുന്നത് ചീയുന്നതിനനുസരിച്ച് രണ്ടാമത്തെ ടാങ്കില്‍ നിക്ഷേപിക്കാം.

കോലൊളമ്പിലെ ഒരു മണ്ണിര കമ്പോസ്റ്റ് നിര്‍മ്മാണം.

മണ്ണിര കംമ്പോസ്റ്റിനുപയോഗിച്ചിരിക്കുന്ന മണ്ണിരയുടെ പേര്‍ യൂഡ്രില്ലസ് യൂഗിനിയെ(Eudrillus eugineae)
ഏറ്റവും അടിയിലായി ചകിരി നിരത്തി വെക്കണം.അതിനടിയില്‍ നിന്നും ഒരു പൈപ്പ് പുറത്തേക്കിടണം. അതിലൂടെയാണ് വെര്‍മി വാഷ് എന്ന ഒരു ദ്രാവകം കിട്ടുന്നത്.ഇതില്‍ 10 ഇരട്ടി വെള്ളം ചേര്‍ത്ത് ചെടികള്‍ക്ക് നനച്ചു കൊടുക്കാം.

ചകിരി നിരത്തിയതിനു ശേഷം അതിനു മുകളില്‍ വിരയെ നിഷേപിക്കുക. 8:1 എന്ന അനുപാതത്തില്‍ ചപ്പുചവറും(8),ചാണകവും(1) നിക്ഷേപിക്കണം. വെള്ളത്തിന്റെ അംശം തീരെയില്ലെങ്കില്‍ 4 ദിവസം കൂടുമ്പോള്‍ അല്പം നനക്കുന്നത് നല്ലതാണ്. ആഴ്ചയിലൊരിക്കല്‍ ഇളക്കുന്നത് വായു സഞ്ചാരം ഉണ്ടാക്കാന്‍ നല്ലതാണ്. ഉറുമ്പുകളുടെ ഉപദ്രവം കുറക്കാന്‍ തറയുടെ എല്ലാ ഭാഗത്തും വെള്ളം കെട്ടി നിര്‍ത്തണം. ഗാര്‍ഹിക അവഷിഷ്ടങ്ങള്‍ ഉപയൊഗിച്ചുള്ള കമ്പൊസ്റ്റില്‍ 1.82%N, 0.91%P2O5, 1.58% K2O അടങ്ങിയിട്ടുണ്ട്.

നിക്ഷേപിക്കേണ്ട വേസ്റ്റ് സാധനങ്ങള്‍ :

വീട്ടിലെ വേസ്റ്റ്,പച്ചക്കറി വേസ്റ്റ്,പേപ്പര്‍,ചാണകം തുടങ്ങിയവ ഇതില്‍ നിക്ഷേപിക്കാം.പുളിയും,എരിവും,മധുരവുമുള്ള വസ്തുക്കളും,പ്ലാസ്റ്റിക്കും ഇടരുത്.തെങ്ങിന്റെ ഓലയിടുമ്പോള്‍ ഈര്‍ക്കിള്‍ ഒഴിവാക്കി വേണം നിക്ഷേപിക്കാന്‍.

മണ്ണിര കമ്പോസ്റ്റ് നിര്‍മ്മാണത്തിന് ഗവണ്‍മെന്റില്‍ നിന്നും 25% മുതല്‍ 50% വരെ സബ്സീഡി ലഭിക്കാം.

കൂടുതല്‍ അറിയാന്‍ ഇവിടെ ക്ലിക്ക് ചെയ്യുക: 1.Mal

വായിക്കാന്‍ പ്രയാസമുണ്ടെങ്കില്‍ 2.PDF Malayalam

റെയിന്‍ ഷെല്‍ട്ടര്‍ (Rain Shelter)

മഴക്കാലത്തും ഇനി പച്ചക്കറി കൃഷി ചെയ്യാം

എടപ്പാള്‍: എടപ്പാള്‍ ഗ്രാമപഞ്ചായത്തില്‍ ആദ്യമായി കോലൊളമ്പ് നടുക്കാട്ടില്‍ എന്‍.അബൂബക്കറിന്റെ വീട്ടില്‍ നിര്‍മ്മിച്ച ആന്റി യു.വി റെയിന്‍ ഷെല്‍ട്ടര്‍.

പ്രത്യേകതകള്‍ :

1)അള്‍ട്രാവയലറ്റ് രശ്മിയെ തടഞ്ഞു കൊണ്ട് കൂടുതല്‍ ഈര്‍പ്പവും, ചൂടും നിലനിര്‍ത്തുന്ന ആന്റി യു.വി ഷീറ്റാണിതിന്റെ പ്രധാന ഘടകം.

2)ഏതു കാലത്തും കര്‍ഷകനു കൃഷി ചെയ്യാന്‍‍ സാധിക്കും.

3)കൂടുതല്‍ ഫലങ്ങള്‍ കുറച്ചു സ്ഥലത്തു കൃഷി ചെയ്യാം.

വെള്ളം സ്പ്രേ ചെയ്യുന്നു

ഉണ്ടാക്കുന്ന വിധം:

മുള,കലുങ്ക്,ഇരുമ്പ് പൈപ്പ് ഇവയില്‍ ഏതെങ്കിലും ഒന്ന് ഉപയോഗിച്ച് കൊണ്ട് നിര്‍മ്മിക്കുന്ന പന്തല്‍ ,അതിനു മുകളില്‍ യു.വി. ഷീറ്റ് വിരിക്കുക.(7മീറ്റര്‍ നീളം,5.5 മീറ്റര്‍ വീതിയുള്ള ഷീറ്റാണ്' ഇവിടെ ഉപയോഗിച്ചിരിക്കുന്നത് വില:2000രൂപ).ആവശ്യമുള്ള വെള്ളം നല്‍കാന്‍ എല്ലാ ഭാഗത്തു നിന്നും സ്'പ്രേ ചെയ്യണം.കോഴി,താറാവ് എന്നിവയില്‍ നിന്നും രക്ഷനേടാന്‍ എല്ലാ ഭാഗത്തും വല കെട്ടുക. ചൂടുകാലത്ത് അമിതമായ ചൂടില്‍ നിന്നും ചെടികളെ സംരക്ഷിക്കാന്‍ മുകളില്‍ തണല്‍ വലവിരിച്ചു കൊടുക്കണം.നിര്‍മ്മാണത്തിന് ഗവണ്‍മെന്റില്‍ നിന്നും 25% മുതല്‍ 50% വരെ സബ്സീഡി ലഭിക്കാം.

സ്'മരണിക പ്രകാശനവും സാംസ്കാരിക സമ്മേളനവും

കോലൊളമ്പ് ദേശത്തിന്റെ സാമൂഹിക സാംസ്കാരിക, വിദ്യാഭ്യാസ ചലനങ്ങള്‍ മത മഹിത മൂല്യങ്ങള്‍ എന്നിവ തൊട്ടുണര്‍ത്തി ഗതകാല ചരിത്രത്തിലേക്ക് ഒരെത്തിനോട്ടം നടത്തുന്ന "ഗ്രാമപൈതൃകം" എന്ന സംഷിപ്ത ചരിത്ര സാക്ഷ്യത്തിന്റെ പ്രകാശനവും സാംസ്ക്കാരിക സമ്മേളനവും ആഗസ്റ്റ് 27 ബുധനാഴ്ച് വൈകുന്നേരം 4 മണിക്ക് കോലൊളമ്പ് മദ്രസാ പരിസരത്ത് നടത്തുന്നു. പരിപാടിയില്‍ ആദ്യന്തം സംബന്ധിക്കാന്‍ സാദരം ക്ഷണിക്കുന്നു.

എന്ന്,കണ്‍വീനര്‍

പരിപാടികള്‍

പ്രാര്‍ത്ഥന : ബഹു:റഫീഖ് സഅദി

സ്വാഗതം : ബഹു:സിദ്ധീഖ് മൗലവി അയിലക്കാട്

(ചെയര്‍മാന്‍, പ്രസിദ്ധീകരണസമിതി)

അധ്യക്ഷന്‍ : ബഹു:കെ.എം.മുഹമ്മദ് കാസിം കോയ
(മെമ്പര്‍ കേരള ഹജ്ജ് കമ്മിറ്റി)
ഉദ്ഘാടനം : ബഹു:മുള്ളൂര്‍ക്കര മുഹമ്മദലി സഖാഫി

(കേരള പിന്നോക്ക സമുദായ കമ്മീഷന്‍ മെമ്പര്‍)

പ്രകാശനം : ബഹു:എന്‍.നന്ദകുമാര്‍

(ചെയര്‍മാന്‍, കേരള ടെക്‌സ്റ്റയില്‍ കോര്‍പ്പറേഷന്‍)

സ്വീകര്‍ത്താവും മുഖ്യപ്രഭാഷണവും: ബഹു:ആലങ്കോട് ലീലാകൃഷ്'ണന്‍

ആശംസകള്‍ :

ശ്രീ.പി.പത്മനാഭന്‍

(പ്രസിഡന്റ്, എടപ്പാള്‍ ഗ്രാമപഞ്ചായത്ത്)

ശ്രീ.കെ.ബാവ സാഹിബ്

(മഹല്ല്' സെക്രട്ടറി)

ശ്രീ.ടി.പി.കൃഷ്ണന്‍കുട്ടി നായര്‍

ശ്രീ.എന്‍.അബൂബക്കര്‍

(മുന്‍ മഹല്ല്' സെക്രട്ടറി)

ശ്രീ.വി.ബി.കോലൊളമ്പ്

(കവി)

ശ്രീ.കെ.വി.മുഹമ്മദാലി
റമദാന്‍ കിറ്റ് വിതരണം : ബഹു:കെ.വി.അബ്ബാസ് സാഹിബ്

നന്ദി : ബഹു:വി.അബ്ദുല്ലക്കുട്ടി സാഹിബ്‌.